Muammolar ochiqlandi

Oliy taʼlim maʼlumotini olish uchun oʻqishga oʻqiymiz-u, diplomni qoʻlimizga olgach, ish topish muammo boʻladi. Shunday paytda koʻpchilik yo xorijga ishlashga ketadi yoki taksichilik qiladi. Shu tariqa diplomli ishsizlar soni ortaveradi. Maqsad ayni muammolarga barham berib, yoshlar uchun munosib ish oʻrinlarini yaratish lozim. Shu jihatlarni inobatga olgan holda Surxondaryo viloyati Ekologiya boshqarmasi, Turizm boshqarmasi tizimida faoliyat olib borayotgan yoshlar, yosh ekologlar,  yosh turizm elchilari hamda Termiz muhandislik va agrotexnologiyalari universiteti ekologiya yo‘nalishi talabalari bilan uchrashuv o‘tkazildi. Ochiq muloqot tarzida bo‘lib o‘tgan uchrashuvda yoshlar muammolarini hal qilish va takliflarining yechimini joyida hal etish choralari ko‘rildi. Qolaversa, kasbiy faoliyatini yuksaltirish, buning uchun yetarlicha shart-sharoit yaratish kabi qator masalalarda so‘z yuritildi.