“Yil ayoli” aniqlandi

An’anaviy tarzda o‘tkazib kelinayotgan “Yil ayoli” milliy ko‘rik-tanlovi ishbilarmon, jamiyatda o‘z o‘rnini topgan ayollarni kashf qilishga xizmat qilayotir. Joriy yilda ham ushbu milliy tanlovning Sariosiyo tuman bosqichi o‘tkazildi.
Mazkur tanlovdan maqsad jamiyatimiz rivojiga munosib hissa qoʻshib kelayotgan, yuksak maʼnaviyatli, oilada va farzand tarbiyasida ibrat, oʻzlari faoliyat koʻrsatayotgan tashkilotlar nufuzini oshirishda faol ishtirok etayotgan turli soha egalari boʻlgan xotin-qizlarni qoʻllab-quvvatlash, ilgʻor tajribalarini ommalashtirishdan iborat.
Tanlovning tuman bosqichida 12 nafar ishtirokchi bir qator shartlar boʻyicha 5 balli tizimda baholandi. G‘oliblar mazkur tanlovning viloyat bosqichida qatnashish yoʻllanmasini qoʻlga kiritishdi. Bundan tashqari, “Yilning eng vatanparvar ayoli”, “Yilning eng ilgʻor tadbirkor ayoli”, “Yilning eng yaxshi ijodkor ayoli” kabi qator nominatsiyalar boʻyicha ham gʻoliblar aniqlandi.