Sport insonni o‘ziga bo‘lgan ishonchni oshiradi. nafaqat jismonan, balki ruhan tetiklikni his etishga yordam beradi. Qay bir sport turini o‘rganishdan qat’i nazar sportchi tinimsiz mashg‘ulotlarda chiniqibgina muvaffaqiyat qozonishi mumkin.
Termiz shahrida dzyudo bo‘yicha kattalar o‘rtasida O‘zbekiston chempionatining saralash viloyat birinchiligi musobaqasida ham chiniqqan, mahoratlarini oshirgan dzyudochilar ishtirok etdi.
Albatta, har bir chiqishni, jangni kuzatish maroqli kechdi. Eng muhimi, kuchlar, imkoniyatlar sinashta bo‘lgan musobaqada Jarqo‘rg‘on tuman dzyudochilari ham bo‘sh kelmadi. Quvonarlisi, sportchilarimiz jami 18 ta medalni qo‘lga kiritib, umumjamoa hisobida 1-o‘rinni egalladilar.
