Velosipedda sayr qilishning-da gashti bor. Bu borada professionallar esa tezlinki oshirib, bir olam zavq tuyganlari aniq. Tezlik, atrof tomoshasi, yuzingizga urilayotgan shabada — bari birdamlikda yuqori kayfiyat baxsh etadi. Albatta, velosipedda sayr qilib turish, do‘stlar bilan kim o‘zarga bellashib turish ham eng yaxshi ko‘ngilochar jarayondir.
Chirchiq shahrida ham para velosportning shosse yo‘nalishi bo‘yicha yoshlar va kattalar o‘rtasida O‘zbekiston chempionati o‘tkazildi. Unda mamlakatimizning 100 nafardan ortiq eng sara para velosportchilari 10 kilometr masofaga o‘tkazilgan poygalarda o‘z kuchlarini yana bir bor sinovdan o‘tkazishdi hamda eng kuchlilar aniqlandi.
Shuningdek, Sariosiyo tumani sport maktabida faoliyat olib borayotgan para velosport murabbiysi A.Narzullayev qo‘l ostida shug‘ullanib kelayotgan Amriddin Qahhorov kattalar o‘rtasida faxrli 2-o‘rinni egalladi.
