Mahalla binosi foydalanishga topshirildi

Mahalla institutining kechagi faoliyatidan bugungisining farqi nihoyatda katta. Bugun mahalla yettiligi kirib bormagan jihat, muammo yo‘q. Aholining nimaiki muammosi, aytar so‘zi bo‘lsa, bari mahalladan chiqmagan holda hal etilayotgani, ishlar tizimli tashkil etilganidan dalolat. Albatta, mahlla yettiligining risoladagidek ishlashi uchun munosib shart-sharoit, qulaylik yaratish lozim.
Shu ma’noda, mahalla fuqarolar yig‘inlari xodimlariga yanada qulayliklar yaratish maqsadida Angor tumanida Qo‘shtegirmon mahallasi binosi foydalanishga topshirildi. Mahalla binosining tantanali ochilish marosimida tuman hokimi Qosim Mardonov mutasaddi tashkilot rahbarlari, nuroniy otaxonlar, mahalla faollari ishtirok etdilar.