“CIT” dasturiga start berildi

Innovatsion rivojlanish strategiyasida ilmiy ishlanmalarni tijoratlashtirish bo‘yicha jahon tajribasini o‘rganish maqsadida xorijiy mutaxasislar ishtirokida (trening yoki) davra suhbatlari tashkil etish topshirig‘i tasdiqlangan. “Termiz yoshlar texnoparki”da Janubiy Koreya Respublikasining “KOICA” kompaniyasi hamda Innovatsion rivojlanish agentligi hamkorligida xorijiy malakali ekspertlar jalb qilingan holda “Startap Instruktorlarni tayyorlash (CIT)” dasturi doirasida 5 kunlik seminar-trening tashkil etildi.
Trening davomida ishtirokchilar startap loyihalarni ishlab chiqish, maqsadli iste’molchilarni aniqlash, qiymat taklifini yaratish, shuningdek, biznes loyihalarini boshqarishda startaplarga amaliy maslahatlar berish uchun Kanvas biznes modeli metodikasidan foydalanish bo‘yicha zarur ko‘nikmalarga ega bo‘ldilar.