Kambag‘allikdan farovonlik sari

Aholining ijtimoiy himoyaga muhtoj qatlamini kambag‘allikdan chiqarish bugungi kundagi muhim masalaga aylangan. Buning uchun barcha imkoniyatlar ishga solingan bo‘lib, xususan, Prezident qaroriga asosan yurtimizda «Kambag‘allikdan farovonlik sari» dasturi amalga oshirilmoqda.
Bu borada Surxondaryo viloyatida ham barcha darajadagi rahbarlar, ularning o‘rinbosarlari kam ta’minlangan, ijtimoiy ahvoli og‘ir oilalarga biriktirilgan. Jumladan, O‘zbekiston Respublikasi Prezidenti huzuridagi Davlat xizmatini rivojlantirish agentligi viloyat filiali rahbariga Sherobod tumanidagi “Qo‘rg‘on” mahallasida yashovchi 5 ta oila biriktirilgan bo‘lib, ularni kambag‘allikdan chiqarish bo‘yicha aniq maqsadli ishlar amalga oshirilmoqda.
Filial rahbari M.Tursunov va mutasaddilar tomonidan mazkur oilalarning yashash sharoitlari hamda muammolari o‘rganildi. Ularning birlamchi muammolarini hal etish, o‘zini o‘zi band qilishi uchun sharoit yaratish maqsadida mavsumiy issiq kiyimlar, maishiy texnikalar topshirildi. Shuningdek, oilalarni tibbiy ko‘rikdan o‘tkazish, tadbirkorlik faoliyatini qo‘llab-quvvatlash, ishsizlarning bandligini ta’minlash farzandlarini fan va sport to‘garaklariga jalb qilish tadbirlari amalga oshirilmoqda.