Bugun ayollar ham tadbirkorlikning turli sohalarida o‘zlarini sinab, muvaffaqiyatli faoliyat yuritishayotir. Ayol uy bekasi, ayol faqat uy yumushlarini qilishi kerak degan fenomenlar eskirdi. Ular bugun erkaklar bilan tengma-teng harakat qilishayotir. Aslo oilasi, farzand tarbiyasi-yu uy yumushlarini-da unutishgani yo‘q.
O‘zLiDeP Surxondaryo viloyat Kengashi tomonidan “Ishbilarmon ayol-2024” ko‘rik-tanlovi esa ana shunday ishbilarmon ayollarni yuzaga chiqarishga, faoliyatini ko‘z-ko‘z qilib, munosib rag‘batlantirishga xizmat qilayotir. Kuni kecha ushbu tanlovning hududiy bosqichi o‘tkazildi.
Unda tanlovning tuman-shahar bosqichida g‘olib bo‘lganlar ishtirok etdi. Albatta, har bir ishtirokchining faoliyati tahsinga loyiq. Har bir ishtirokchi g‘oliblikka munosib. Ammo g‘olib bitta bo‘lshi, o‘rnak va namuna qilib ko‘rsatilishi lozim. Hakamlar hay’ati ayni jihatlarni inobatga olgan holda g‘oliblarni aniqladilar, natijalarga ko‘ra, 1-o‘ringa boysunlik tadbirkor “Asila terma gilamlari” oilaviy korxonasi rahbari Maftuna Azizova loyiq ko‘rildi. G‘oliblar pul mukofotlari hamda esdalik sovg‘alari bilan taqdirlandi.
Faoliyati tahsinga loyiq
Date:
