Zamonaviy ta’lim tashkiloti faoliyat boshladi

Farzandimiz boradigan maktabgacha ta’lim tashkiloti barcha shart-sharoitlarga ega bo‘lishini istaymiz. Til, sport to‘garaklari bo‘lsa, tarbiyachi-pedagoglarning esa bilim-salohiyati yuqori bo‘lsa, ana shunday dargohda tarbiyalangan o‘g‘il-qizlarimizning kelajagidan qayg‘urmasak ham bo‘ladi. Ammo ana shundat ta’lim tashkilotlari bormikan? Bizning talablarimizga javob berarmikan degan savol o‘rtaga tashlanadi.
Sho‘rchi tumanida faoliyatini boshlagan 38-maktabgacha ta’lim tashkiloti xuddi biz o‘ylagandek shart-sharoit va talabga ega ekani, har bir ota-onani qiziqtirib qo‘yishi aniq. Yangi zamonaviy 90-o‘rinli ta’lim tashkilotida har bir tarbiyalanuvchining dunyoqarashini oshishi, sifatli ta’lim tarbiya olishi uchun sharoitlar yaratilgan. Ayniqsa, jajji bolajonlarining qiziqishidan kelib chiqib, sport, san’at, fan to‘garaklari faoliyat yuritmoqda.
Ta’lim tashkiloti bolalarbop mebel jihozlari, rang-barang o‘yinchoqlar va ko‘rgazmali qurollar bilan ta’minlangan. Hovlida bolajonlar uchun yozgi o‘yin maydoni barpo etilib, zamonaviy usulda jihozlangan.