Termiz davlat universitetida «Tarix—San’at—Texnologiya—Ipak yo‘lining madaniy merosini muhofaza qilish va undan foydalanish» mavzusidagi xalqaro konferensiya o‘tkazildi. Unda Xitoy, O‘zbekiston, Qozog‘iston, Tojikiston, Qirg‘iziston, Eron, Mo‘g‘uliston, Pokiston, Rossiya va Fransiyadan jami 54 nafar arxeolog olimlar ishtirokida, bugungi davrda, madaniy merosni muhofaza qilishning yangi konsepsiyalari, usullari va texnologiyalari bo‘yicha ilmiy almashinuvlar olib borildi.
Xorijiy va mahalliy arxeolog tadqiqotchilar O‘zbekiston-Xitoy “Bir kamar, bir yo‘l” qo‘shma loyihasi doirasida foydalanishga topshirilgan laboratoriya imkoniyatlarini ko‘zdan kechirishdi. Shuningdek, ular Qoratepa, Fayoztepa Zurmala arxeologik yodgorliklari hamda Termiz arxeologiya muzeyida bo‘lishdi.
