“Kasbiy rivojlanish soati”da…

Nazariy bilimlar, soatlab leksiyalarda o‘tirib, tanlagan kasbingiz bo‘yicha tushuncha olsangiz-da, bu bilimlar amaliyotda qo‘llanilmas, sinalmas ekan, qandaydir natijaga erishish qiyin. Shu sababdan ham kasb-hunarlar nazariya va amaliyot bilan uyg‘unlikda amalga oshirilishi zarur.
Joriy o‘quv yilidan boshlab, umumiy o‘rta ta’lim muassasalari o‘qituvchilari uchun fanlar kesimida “Kasbiy rivojlanish kuni” va “Kasbiy rivojlanish soati” tadbirlarini bosqichma-bosqich joriy etish belgilangan. Shu maqsadda viloyat Pedagogik mahorat markazida Xalqaro ta’lim tashkiloti mutaxassislari tomonidan tabiiy va aniq fanlar yo‘nalishida master-trenerlar va mentor o‘qituvchilar uchun seminar-treninglar tashkil etildi.
Ayni paytda mazkur mentor o‘qituvchilar tomonidan har bir tuman va shahar hududidagi tayanch maktablarda “Kasbiy rivojlanish kuni” va “Kasbiy rivojlanish soati” bo‘lib o‘tmoqda.