Sana munosabati bilan…

Turizm tobora rivoj topib, yurtimizning, xususan Surxon vohasining o’ziga xos qadriyatlarini, an’analari-yu turizm salohiyatini ko’z-ko’z etishga xizmat qiladi. 27-sentabr — Xalqaro Turizm kuni deb e’lon qilinganining ham boisi shundan TerDUda sana munosabati bilan festival tashkil etildi. Unda universitet talabalari, viloyat Turizm boshqarmasi va Turizm politsiyasi xizmati vakillari o‘z yo‘nalishlari va faoliyatlari bo‘yicha ma’lumotlar berishdi. So‘z olgan mas’ullar yurtimizning turistik salohiyatini ro‘yobga chiqarishda talaba-yoshlar va jamiyatimiz vakillari oldida turgan muhim vazifalar hususida to‘xtalishdi. Festival doirasida turkman, tojik hamda rus milliy madaniy markazlari vakillari ko‘rgazmalar tashkil etishib, badiiy chiqishlar qilishdi.