Oʻzbekiston Respublikasi Maktabgacha va maktab taʼlimi vazirligi, Oʻzbekiston Respublikasi Sanitariya-epidemiologik osoyishtalik va jamoat salomatligi xizmati hamda “Mercy Corps” xalqaro nodavlat tashkilotining Oʻzbekistondagi filiali oʻrtasida imzolangan anglashuv Memorandumiga asosan bugun Surxondaryo
viloyatidagi 106 ta maqsadli davlat maktabgacha taʼlim tashkilotlarining mentor va pedagoglari uchun Termiz shahrida “Maktabgacha taʼlim asoslarini mustahkamlash: bolalarning ilk yoshidan savodxonlik, ratsional ovqatlanish, sogʻlom turmush tarzi koʻnikmalarini shakllantirish va oilani jalb qilishda kompetensiyaviy yondashuvni joriy etish” mavzusida konferensiya oʻtkazildi.
Ushbu konferensiyada viloyat Maktabgacha va maktab ta’limi boshqarmasi boshlig‘ining birinchi o‘rinbosari Bekzod Tashpulatov, “Mercy Corps” xalqaro nodavlat tashkiloti mas’ullari, hududiy mentor (trener) va pedagoglar ishtirok etishdi.
Tadbir davomida bolalarda ilk yoshidan savodxonlik, ratsional ovqatlanish, sogʻlom turmush tarzi koʻnikmalarini shakllantirish borasida so‘z bordi. Xorijiy va mahalliy mutaxassislar o‘zlarining bu boradagi bilimlarini yig‘ilganlar bilan o‘rtoqlashishdi.
