200 nafar yoshga Prezident granti ajratiladi

Ta’lim tizimida qator yangilik va o‘zgarishlar amalga oshirildi. Maqsad bilimli, salohiyatli yoshlarning oliy ma’lumotli bo‘lishi uchun barcha imkoniyatlarni yaratishdir. Qolaversa, talabalarni o‘qishga, o‘z ustilarida ishlab, izlanishlari uchun to‘lov shartnoma asosida o‘qiganlar uchun davlat grantiga o‘tish imkoni yaratildi. Asosiysi, bilim, mehnat va harakat mukofotsiz qolmaydigan bo‘ldi.
Qonunchilikka ko‘ra, davlat oliy ta’lim muassasalariga kirishda eng yuqori ball to‘plagan 200 nafar yosh uchun Prezident granti joriy qilingani esa ayni yo‘ldagi xushxabarlarning davomi bo‘ldi deyish mumkin. Bunda, grantda g‘olib bo‘lgan talabalarga Prezident davlat stipendiyasi tayinlanadi va to‘lanadi.