Tog‘ qishlog‘i.
Loysuvoq tomlar.
Hovlilarning eshigi toldan.
Uzoq edi o‘zga olamlar,
Bola qalbim shu yerda qolgan…
Isroil Shomirov she’rlarida ana shunday beg‘uborlik va qishloq sog‘inchlari ufurib turardi. Hali yana qancha tahliliy maqolalar, she’rlar bitishi mumkin edi, ammo bevaqt o‘lim Surxondaryo jurnalistika ustunlaridan birini oramizdan olib ketdi.Ustozning yorqin hayot yo‘lini xotirlash maqsadida hamkasblari, shogirdlarini jamlagan holda O‘zbekiston Jurnalistlar uyushmasi Surxondaryo viloyat bo‘limi ijodiy xotira kechasi tashkil qildi.
Kechada Isroil Shomirov xotirlandi. Ijodi haqida, shoirning shaxsiyati haqida iliq fikrlar aytildi. Unutilmas xotiralar tilga olindi.
