“Kinokarvon” loyihasi Sherobodda

Yangi o‘quv yili boshlanishi bilan o‘quvchi-yoshlar o‘qib o‘rganishga kirishib ketdilar. Albatta, ta’lim jarayonini yanada qiziqarli bo‘lishi uchun rag‘batni ham yoddan chiqarmaslik kerak. Sherobod tuman Maʼnaviyat va maʼrifat bo‘linmasi tashabbusi bilan “Kinokarvon” loyihasi doirasida tumandagi “Bahor” mahallasida joylashgan 2-sonli umumiy oʻrta ta’lim maktabida 11-sinf oʻquvchilari ishtirokida “Garsiyaga maktub” videoroligi namoyishi eng yaxshi rag‘bat vazifasini o‘tadi.
Muhimi, o‘quvchilar videorolikni miriqib tomosha qildilar, vaqtlarini mazmunli o‘tkazish bilan birga olam-olam taassurotlar oldilar. Tomoshadan so‘ng, o‘quvchilarning fikr-mulohazalariga, taassurotlariga quloq tutildi. Albatta, fikrlar, nuqtai nazarlar yoshlar dunyoqarashida nechog‘lik o‘sish borligini ko‘rsatdi. Demak, mana shunday loyihalarni tez-tez o‘tkazib, yoshlarni munozaralarga chorlab turish foydadan holi bo‘lmaydi.