Suv keltirgan elda aziz

Inson ochlikka chidashi mumkin, ammo suvsiz yashay olmasa kerak. Sababi chanqog‘imizni qondiradigan ham, boshqa barcha ehtiyojlarimiz suvsiz hal etilmaydi. Haqiqatan ham suv tiriklik, hayot manbaidir. Biz esa ana shunday qimmatli ne’matning qadriga yetmaymiz, uvol, isrof qilaveramiz. Xolbuki, hali-hamon toza ichimlik suv kirib bormagan xonadonlar bor.
Suv nechog‘lik qimmatli bo‘lsa, uni keltirganning xizmati ham ana shunday qiymatga ega. Zero, xalqimizda “Suv keltirgan elda aziz” deb bekorga aytilmagan. Sho‘rchi tumanidagi “Baxshtepa” mahallasining Yashnabod ko‘chasidan 180 metrlik chuqur qazildi. Natijada, toza ichimlik suvi chiqdi. Bundan ko‘p sonli aholi juda mamnun.
Suv chiqishida muhim ahamiyat kasb etgan elektr energiyasini tejash maqsadida 40 kilovattli quyosh paneli o‘rnatildi. Ayollar va yoshlar daftariga kiritilgan 85 nafar fuqaro shu hududdan auksion orqali uzoq muddatga yer maydoni olishgan. 30 yil davomida aholi uchun xizmat qiladigan yer maydonidan sifatli va mo‘l hosil olishda ham biz chiqargan ushbu suv foyda keltiradi.
Albatta, yer maydonidan serhosil daromad olishda suvning ahamiyati beqiyosdir.