“Tadbirkor qizlar” biznes marafoni start oldi

Xotin-qizlarni biznesga qiziqtirish, jamiyatda o‘z o‘rnini topishlari uchun yetarlicha imkoniyatlar yaratilmoqda. An’anaviy tarzda o‘tkazib kelinayotgan “Tadbirkor qizlar” biznes marafoni esa ana shunday yo‘ldagi sa’y-harakatlarning davomidir.
Surxondaryo viloyati Yoshlar ishlari boshqarmasi tomonidan ham yosh ayol-qizlar uchun “Tadbirkor qizlar” biznes marafoni bo‘lib o‘tdi. Erta tongdan marafonga befarq bo‘lmagan xotin-qizlar tashrif buyurdi.
Biznes marafonda dastlab “Tadbirkorning muvaffaqiyat formulasi: bilim, tajriba, malaka, natija uyg‘unligi” sessiyasida mashg‘ulotlar o‘tkazildi. Unda ishtirokchilar tadbirkorlik faoliyatini boshlash uchun ilk bilim va tushunchalar berish bilan birga kerakli yo‘l-yo‘riq va tavsiyalar bilan o‘rtoqlashildi.
Marafon davomida qizlar biznes loyiha ishlab chiqish va uni amalga oshirish yuzasidan o‘zlarini qiziqtirgan savollariga trenerlardan batafsil javob oldilar.