Tikuv mashinalari topshirildi

Daftarlar asosida yurtimizda tizimli ishlar yo‘lga qo‘yilganki, ularga a’zo bo‘lib, so‘ralgan yordam o‘z vaqtida ko‘rib chiqiladi va munosib qo‘llab-quvvatlanadi. Buni ayni daftarlar asosida yordam olayotgan fuqarolar misolida ko‘rish mumkin.
Buning uchun mahallada faoliyat yurituvchi hokim yordamchilari tavsiya qilishsa, kifoya. Ayni tavsiyaga asosan Mahallabay ishlash va tadbirkorlikni rivojlantirish agentligining Aholini tadbirkorlikka jalb qilish jamg‘armasi mablag‘lari hisobidan “Temir daftar”, “Ayollar daftari” va “Yoshlar daftari”da ro‘yxatda turuvchi fuqarolarning murojaatlariga asosan ularning bandligini ta’minlash va doimiy daromad manbaiga ega bo‘lishlari uchun kerakli yordam ko‘rsatildi.
Sariosiyo tumani hokimi Abduqodir Donayev, Kambag‘allikni qisqartirish va bandlikka ko‘maklashish bo‘limi boshlig‘i o‘rinbosari Sh.Rahmonovlar tomonidan tumanda istiqomat qiluvchi vaqtincha ishsiz 45 nafar fuqaroga subsidiya asosida tikuv mashinalari topshirildi.