Har birimiz saylash va saylanish huquqiga egamiz. Buning uchun siyosiy va huquqiy savodxon bo‘lmog‘imiz va to‘g‘ri tanlovni amalga oshirishimiz darkor. Ana shunday bilimlarimizni yanada oshirish maqsadida Angor tumani IIB shaxsiy tarkibi bilan saylov tizimining o‘ziga xos xususiyatlari va siyosiy partiyalar to‘g‘risida o‘quv yig‘ini tashkil etildi.
O‘tkazilgan o‘quv yig‘inida Surxondaryo viloyati IIB Tashkiliy boshqarma boshlig‘ining yuridik masalari bo‘yicha o‘rinbosari Sh.Djalilov, viloyat Adliya boshqarmasi mas’ul xodim S. Sayfidinovlar ishtirok etdi. Tadbir davomida so‘zga chiqqanlar O‘zbekiston Respublikasi saylov qonunchiligiga kiritilgan o‘zgarishlar haqidagi ma’ruza qilib, xodimlarning yangi saylov tizimining o‘ziga xos xususiyatlari va siyosiy partiyalar to‘g‘risidagi bilim va malakasini oshirish uchun qonunchilikdagi yangiliklardan xabardor qildilar.
