Mahalla raislariga planshet berildi

Mahalla oilalarni jipslashtiruvchi mustaqil institutdir. Mahalla faollari, rais va boshqa mas’ullar oilalar holidan xabar oladi, muammo va tashvishini o‘rganadi. Bandligini ta’minlash, jamiyatda o‘z o‘rnini egallash, yoshlarning vaqtini mazmunli o‘tishi uchun tashabbus ko‘rsatadi, munosib taklif va tavsiya bilan chiqadi. Ana shunday o‘rganish ishlari mas’ullardan doimo faollik, innovatsion texnikalari, axborot texnologiyalaridan unumli foydalanishni talab etadi.
Mahalla xodimlarini qo‘llab-quvvatlash, ularning faoliyatini to‘g‘ri tashkil etish maqsadida esa manzilli ishlar olib borilmoqda. Shu munosabat bilan bugun Angor tumanidagi 36 ta mahalla fuqarolar yig‘inlari raislariga zamonaviy planshetlar berildi. Bu bilan ularning xizmat faoliyatini yengillashtirib, tezkor xizmat olib borishlariga ko‘maklashildi.
Planshetlarni tuman hokimi Qosim Mardonov o‘z egalariga topshirdi.