Ko‘ngillarni nurafshon aylab….

Ertangi kunimizda bizni nimalar kutayotgani yolg‘iz Yaratganga ayon. Quvonchli lahzalar bilan birga sinovlar ham kutishi hech gap emas. Taqdir taqazosi bilan 7 yoshli Farangizning ota-onasi vafot etib, bobo-buvisining qo‘lida qoldi. Shu paytgacha ikki xonali bomitomda yashayotgan Abdurahmon Xusanov oilasi bugun yangi uyga ko‘chishdi.
Sho‘rchi tumani hokimi va sektor rahbarlari tashabbusi bilan tumanda maqtansa arzigulik ishlar amalga oshirilmoqda. Tashkilotchi, tashabbuskor Mamayusuf Mamadiyev sa’y-harakati va sahovatpesha homiylar ko‘magida Abdurahmon Xusanov oilasiga zamonaviy uy qurildi. Albatta, bunday e’tibor va g‘amxo‘rlik xonadon sohib va sohibalarini ko‘nglini tog‘dek ko‘tardi.