Yoshlar sayohatda

Anomal issiq bo‘lishiga qaramay, yoshlarning kayfiyati yuqori darajada. Ular ta’tilni maroqli o‘tkazishayotir. Bunda oromgohlar, sport mashg‘ulotlari, hunarmandchilik va til kurslari yoshlarning vaqtini maroqli va foydali o‘tishiga xizmat qilyapti. Termiz tuman prokuraturasi tashabbusi ham yoshlarning bo‘sh vaqtini mazmunli o‘tkazishga sabab bo‘ldi. Xususan, otaliqqa olingan, uyushmagan va toifadagi yoshlar bilan tuman IIB binosida o‘tkazilgan uchrashuvdan so‘ng, diqqatga sazovor joylarga sayohat o‘tkazildi.
Jumladan, yoshlar tuman prokurorining o‘rinbosari Sherzod To‘raqulov va boshqa mutasaddilar hamrohligida Al Hakim At-Termiziy majmuasini ziyorat qilindi. Majmua hududida joylashgan Termiz o‘lkashunoslik muzeyidagi eksponatlar hamda arxeologik topilmalar bilan tanishildi. Shundan so‘ng, yoshlar “Qorabayir otlari” mahorat maktabida bo‘lishdi. Maktab faoliyati, ot sporti mashg‘ulotlari bilan tanishuvdan so‘ng yoshlar bilan davra suhbati qilindi.