Ko‘tarinki kayfiyat bag‘ishlab…

O‘zbekiston Respublikasida xizmat ko‘rsatgan artist Muqaddas Xoliqova mashhur va iste’dodli aktrisa. Bu ayolni ona obrazida jiddiy va komedik rollarda juda ko‘p ko‘rganmiz. Aktrisa tomoshabinning yaqinidek qadrli va sevimli bo‘lib ulgurgan. Kino va spektakllar orqali ijodini kuzatib borganimiz O‘zbekiston Respublikasida xizmat ko‘rsatgan artist Muqaddas Xoliqova yanglig‘ bir guruh ijodkorlar ayni kunlarda Surxondaryoda mehmon bo‘lib turibdilar.
Viloyatimizning turli hududlarida ijodiy safarda bo‘lib, xalq bilan ochiq muloqotlar, suhbat va uchrashuvlar, kecha hamda konsert dasturlari uyushtirib kelinmoqda. Ana shunday ijodiy kecha Boysun tumanidagi Madaniyat markazida tashkil etildi va O‘zbekiston Respublikasida xizmat ko‘rsatgan artist Muqaddas Xoliqova hamda O‘zbekiston Respublikasida xizmat ko‘rsatgan artist Mehriddin Raxmatovlar ishtirok etdi. San’atkorlar tomonidan ijro etilgan teatrlashtirilgan konsert dasturi tomoshabinlarda ko‘tarinki kayfiyat bag‘ishladi.