Takroriy ekin — daromad manbai

Sho‘rchi tumanidagi mahallalarda ishsiz, migratsiyadan qaytgan yoshlarning bandligini ta’minlash maqsadida g‘alladan bo‘shagan yer maydonlariga takroriy ekib, sifatli va mo‘l hosil olish uchun 30 sotixdan ajratib berilgan. Ana shunday imkoniyatdan foydalanganlardan biri “To‘la” mahallasida yashovchi Rashid Shoberdiyevdir.
U o‘ziga biriktirilgan 30 sotix yer maydoniga mosh ekkan bo‘lsa, shu yerlik Muzaffar Abdurahmonov ozuqabop ekinlardan biri makkajo‘xori ekib, parvarish qilmoqda. Yerga berilgan mehr, mehnat esa samara berishiga e’tiqodi baland yoshlarning hosildan umidi katta, mo‘l hosil olib, yuqori daromad ko‘rishni ko‘zlashgan.