Prezidentimizning tadbirkorlar bilan anʼanaviy tarzda o‘tkazib kelayotgan ochiq muloqotiga tayyorgarlik ko‘rish doirasida surxondaryolik tadbirkor ayollar bilan ochiq muloqot o‘tkazildi. Unda O‘zbekiston Savdo-sanoat palatasi raisining birinchi o‘rinbosari N.Umarova, Savdo-sanoat palatasi Surxondaryo viloyati boshqarmasi boshlig‘i B.Jumayev, viloyat hokimining o‘rinbosari Z.Xidirova ishtirok etdi.
Tadbirda 100 nafarga yaqin tadbirkor ayollar ishtirok etib, takliflari tinglanib, murojaatlarini hal etish choralari koʻrildi. Tadbirkorlarning kredit, faoliyatini kengaytirish uchun turar-joy ajratish, ishlab chiqayotgan mahsulotlarini sotishga koʻmaklashish, texnologiya olib kelish borasida 30 dan ortiq murojaat, takliflar qabul qilindi.
10 nafar tadbirkorning muammosi joyida ijobiy yechim topdi.
