Soliq tushumlari – ijtimoiy soha rivojining muhim manbai

Surxondaryo viloyati hokimi o‘rinbosari Sherzod Rajabov, Sherobod tumani hokimi Usmon Alimov ishtirokida yig‘ilish o‘tkazildi. Unda tegishli tashkilot mutasaddilari hamda “Mahalla ettiligi” ishtirok etdi. Yig‘ilishda mahalliy soliq tushumlarini undirish, hududlarni obodonlashtirish kabi masalalar bo‘yicha amalga oshirilayotgan ishlar muhokama qilindi.
Yig‘ilish davomida mahallalarda soliq tushumlari barqarorligini ta’minlash, aholi o‘rtasida targ‘ibot tadbirlari o‘tkazish va tadbirkorlarga ko‘mak berish zarurligi haqida ta’kidlab o‘tildi. Soliq tushumlari o‘z vaqtida amalga oshirilar ekan, barcha sohalarda, shuningdek, ijtimoiy soha rivoji uchun ham muhim manba bo‘lib xizmat qiladi. Yig‘ilish davomida ayni masalalarga e’tibor qaratildi.