Maktabga qo‘shimcha o‘quv binosi qurilmoqda

Surxondaryo viloyati Maktabgacha va maktab ta’limi boshqarmasi boshlig‘i Xusniddin Mamadiyev Jarqo‘rg‘on tumanidagi 45-sonli umumta’lim maktabiga tashrif buyurib, ta’lim muassasasi faoliyati bilan yaqindan tanishgan edi. Tashrif davomida boshqarma boshlig‘i tomonidan maktabda qurilish-ta’mirlash ishlarini amalga oshirish bo‘yicha topshiriq berilgan edi. Shundan so‘ng, berilgan topshiriq ijrosi yuzasidan qurilish-ta’mirlash ishlari boshlab yuborildi. Ayni kunlarda tegishli dastur asosida mazkur maktabga 457 million 900 ming so‘m mablag‘ evaziga 144 o‘rinli yangi o‘quv binosi qurib berilmoqda.
Boshqarma boshlig‘i 45-umumta’lim maktabida bo‘lib, qurilish jarayonlarining borishi bilan tanishdi va sifatga alohida e’tibor qaratish, yangi o‘quv yiliga puxta hozirlik ko‘rish bo‘yicha mas’ullarga tegishli ko‘rsatmalar berib o‘tdi.