“Joyilma”ga suv bordi

Hududlarda hali-hamon ichimlik suvini tashib ichadiganlar borligini eshitganlar hayratlanishlari mumkin. Aslida bu haqiqat. Bu xalqimizning sabr-qanoatligidan dalolat. Ammo bugungi shiddat bilan o‘zgarib, rivojlanish ketayotgan bir paytda, o‘zgarishlar, yangilanishlar nasimi chekka-chekka hududlargacha yetib bormoqdaki, suv kirib bormagan xonadonlarga obi hayot yetkazilmoqda.
Islohotlarning samarasi esa har bir voha ahlini quvontiradi. Ayniqsa, toza ichimlik suvini aholiga yetkazib kelish, ularni obi hayot bilan ta’minlash tashabbuskor el koriga yaraydigan yurtdoshlarimizning borligiga shukr. Sho‘rchi tumanidagi “Joyilma” mahallasining Mustaqillik ko‘chasidagi 25 xo‘jalik uchun toza ichimlik suvi quvuri tortilib, aholining muammosi ijobiy hal etilmoqda. Bundan joyilmaliklarning quvonch-u hayajoni cheksiz. Muammolari bosqichma-bosqich ijobiy hal etilayotganidan mamnun.