“NAMUNA”LIKLAR IJOBIY ISHLARDAN MAMNUN

Aholini toza ichimlik suvi bilan ta’minlash masalasiga katta e’tibor qaratilmoqda. Buning uchun hududlarda amaliy sa’y harakatlar jadallik bilan davom etayotir. Afsuski yerosti chuchuk suv zaxiralari pasayib bormoqda. Bu esa suv quduqlarini aniqlash va burg‘ilash ishlarini talab etadi. Maqsad esa aholini toza chuchuk suv bilan ta’minlanishining yaxshilanishiga erishish.
Jarqo‘rg‘on tumanidagi “Namuna” mahallasi fuqarolarini toza ichimlik suvi bilan ta’minlash bo‘yicha ishlar boshlab yuborilgan. Jarayon qanday ketayotganiga qiziqqan tuman hokimi Elmurod Avazov tumanning faol nuroniylari bilan mahallada olib borilayotgan ishlar bilan yaqindan tanishdi. Soha mehnatkashlaridan hol so‘rash bahonasida suhbatlashdi, mehnat va harakatlari uchun minnatdorchilik bildirdi.
Darhaqiqat, o‘z navbatida mahalla bo‘layotgan bunday bunyodkorlik ishlaridan ijobiy o‘zgarishlardan mahalla ahli mamnun.