Sertifikat topshirildi

Bugun ishsizlik muammo emas. Yoshlar, ayniqsa, xotin-qizlar ishsizman, qo‘limda hunarim yo‘q deb o‘tiradigan zamonlar o‘tib ketgan. Ishtiyoq va xohishi bormi, o‘qib o‘rganishning kechi yo‘q. Ayni aqidaga amal qiladigan jamiyatimizda xotin-qizlar bandligini ta’minlash, ularni hunarli qilish, shu bilan birgalikda tadbirkorlik faoliyatini boshlashda ko‘mak berish borasida izchillik bilan ishlar olib borilmoqda.
Sherobod tumanida xotin-qizlar tadbirkorlik markazi tomonidan nafaqat shahar, balki olis hududlarda yashovchi, “Ayollar daftari”, shu bilan birgalikda ijtimoiy-himoyaga muhtoj bo‘lgan xotin-qizlarni bandligini ta’minlash maqsadida o‘quv kurslar tizimli yo‘lga qo‘yilib, hunar egasi bo‘lgan ayollarga sertifikat topshirildi.
Bevosita, bu yerda hunar o‘rganib, biror bir kasb egasi bo‘lganlar ishonch bilan tadbirkorlik faoliyatini boshlash ishtiyoqida yonishmoqda.