Ogahiy nomidagi xalqaro mukofot ta’sis etiladi

Prezident Shavkat Mirziyoyevning tegishli qarori bilan Muhammad Rizo Ogahiy nomidagi xalqaro mukofot ta’sis etiladi. Hujjatda xalqaro mukofot uchun tanlovlar 2025-yildan boshlab, har ikki yilda bir marta o‘tkazilishi belgilangan.
Shuningdek, mukofotga o‘zbek adabiyotining nasriy va she’riy asarlaridan, bolalar adabiyotidan xorijiy tillarga qilingan eng yaxshi tarjimalar yo‘nalishlarida o‘tkazilib, g‘oliblar aniqlanishi belgilab qo‘yilgan.
Xalqaro mukofot g‘oliblarining har biri maxsus diplom, ko‘krak nishoni va bazaviy hisoblash miqdorining 300 baravari miqdorida bir martalik pul mukofoti bilan taqdirlanadi. G‘oliblarga xalqaro mukofot tantanali ravishda topshiriladi.