Sport aholi salomatligini mustahkamlash, yosh avlodni sog‘lom va barkamol etib tarbiyalash orqali jamiyatda sog‘lom turmush tarzini qaror toptiradi. Sport bilan muntazam shug‘ullanishning ahamiyatli jihati, turli kasalliklarni hamda yoshlar o‘rtasida zararli odatlarning oldi olinadi. Sport yuksak madaniyat, vatanparvarlik tuyg‘ularini shakllantirishda ham muhim o‘rin tutadi. Bu sohada erishilgan yutuqlar mamlakatni dunyoga tanitadi, barcha yurtdoshlarga g‘urur-iftixor bag‘ishlaydi.
Mamlakatimizda yosh avlodning sport bilan muntazam shug‘ullanishi uchun zarur sharoitlar yaratilgan. Barcha shahar va qishloqlarda zamonaviy sport komplekslari barpo etilgan. Jumladan, Jarqo‘rg‘on tumanidagi “Qoraqursoq” mahallasida sog‘lom turmush tarzini shakllantirish hamda yoshlarni sportga keng jalb qilish, ularning bo‘sh vaqtlarini mazmunli o‘tkazish va iqtidorini yuzaga chiqarish maqsadida futbol va valeybol musobaqalarini ko‘chalararo mahalla bosqichi tashkil etildi.
D.Mahmudova
