Insonning bo‘sh vaqti foydali maqsadlarga sarflanar, ma’naviyatini oshirishga xizmat qilar ekan, bu harakatlar insonni kamolotga yetaklashi tayin. Shu ma’noda teatrni ham adabiyot kabi jamiyat hayotining ko‘zgusi deyishadi. Unda jamiyat hayotidagi tarixiy va bugungi kundagi voqealar yaqqol aks etadi. Qahramonlarning his-tuyg‘ulari, sarguzasht-u sinovlari bilan yuzlashib, dardi-yu quvonchiga sherik bo‘linadi.
Harbiy xizmatchilar va ularning oila a’zolarini ijtimoiy qo‘llab-quvvatlash maqsadida madaniy-ma’rifiy tadbirlar muntazam ravishda o‘tkaziladi. Jumladan, Kakaydi garnizonidagi harbiy qismda harbiy xizmatchilar va ularning oila a’zolari uchun Jarqo‘rg‘on tumani madaniyat markazi bilan hamkorlikda «Oqibat» nomli sahnalashtirilgan spektakl namoyish etildi.
O‘zbek milliy urf-odatlarini o‘zida aks ettirgan spektakl tomoshabinlarga ma’naviy ozuqa bo‘lib, kerakli xulosani chiqarishlariga xizmat qilgan bo‘lsa, ajab emas. Tadbir so‘nggida kontsert dasturi namoyish etildi.
