Diabetning to‘liq davosi topildi

Tanida jiddiy kasallik aniqlangan bemorning xalovati yo‘qoladi. Bu o‘z-o‘zidan ruhiy tushkunlik, stressga sabab bo‘ladi. Ana shundan keyin tuzalish qiyinlashishi aniq. Insonlarning tani va ongini yemirayotgan kasalliklardan biri diabetdir. Xitoylik tadqiqotchilar ilk bor diabetning II turini davolashga muvaffaq bo‘lishganini aytmoqda. 59 yoshli erkakka 2021-yilda novatorlarcha hujayra transplantatsiyasi o‘tkazildi va u 2022-yildan beri dori-darmonsiz hayot kechirmoqda.
Erkak 25 yil davomida diabet bilan kasallangan va unda o‘limga olib keladigan asoratlar xavfi yuqori edi. U diabetik komaga tushib qolmasligi uchun har kuni bir necha marta insulin inyektsiyasi talab qilinardi. Unga yordam berish uchun olimlar uning oshqozon osti bezi ildiz hujayralarini modifikatsiya qilib, transplantatsiya qilishdi. Operatsiyadan keyin erkakning organizmi insulinni o‘zi ishlab chiqara boshladi.