Mehnat-u harakat bilan band

Kimdir kunlarini, umrini bekorchilikda o‘tkazishdan qayg‘urmasa, yana kimlardir bekor qolishni o‘ziga ep bilmaydi. Mehnat bilan yuzi yorishib, tani-yu ruhini tetik sezadi. Sho‘rchilik Mengsuluv Shukurova ham uzoq yillar ta’lim sohhasida mehnat qilib, nafaqa chiqqach, keksalik gashtini surish o‘rniga tomorqasida mehnat-u harakat bilan band.
Mo‘jazgina issiqxonasida pomidor, qizilcha, bodring va turli ko‘katlarni yetishtirmoqda. Aslo bir o‘zi emas, farzandlari bilan birgalikda. 2 sotixlik issiqxonada ro‘zg‘or uchun zarur bo‘ladigan barcha mahsulotlarni yetishtirishayotir.