Tavsiyalarga tayanib…

Munosib ish ham, mo‘may oylik ish haqi ham xorijda bordek, ko‘plab fuqarolar ishlash uchun xorijga ketishni afzal biladi. To‘g‘ri, u yerda kasb-u kor o‘rganib, tadbirkorlik qilish uchun loyihalarni boshida pishitib qaytadiganlar ham bor. Ammo tayinli ish topa olmay, topsa-da, biri ikki bo‘lmay qaytayotganlar ham yo‘q emas. Ularni munosib ish bilan ta’minlash yoki hayotda o‘z yo‘lini topib, o‘z ishini boshlashi uchun bir turtki, qo‘llab-quvvatlov kerak. Uzun tumani prokurori B.Boymurov ayni maqsadni ko‘zlab, 2-sektor hududidagi “Obizarang” mahallasida migratsiyaga ishlash uchun ketgan fuqarolar xonadonlarini o‘rganib, xonadon egalari bilan suhbat o‘tkazdi.
E’tirof etish kerakki, migratsiyadan qaytgan fuqarolarning turish-turmushini o‘rganish davomida “Sayxunobod” tajribasi asosida kerakli tavsiya va maslahatlar berilmoqda. Tomorqadan unumli foydalanib, daromad topish yo‘llari o‘rgatilayotir. Tavsiyalarga tayangan fuqarolar esa allaqachon ishga kirishib, ekin-tikin ishlarini boshlab yuborgan.