751 million so‘mlik jihozlar keltirildi

Elektron poliklinika tizimining yo‘lga qo‘yilishi aholi uchun katta qulaylik bo‘ldi. Fuqarolar tibbiy kartasini ko‘tarib, shifokor eshigiga navbat kutmaydi, balki zamonaviy texnikalar yordamida navbatlar tayinlanadi, tizim elektron yuritiladi.
Bir so‘z bilan aytganda, ushbu loyiha sog‘liqni saqlash muassasalari o‘rtasida tibbiy ma’lumotlar almashinuvi uchun dasturiy muhit yaratish, tibbiyot tizimini zamonaviy, davr talablariga moslashtirish orqali uni modernizasiya qilishga yordam beradi. Qulay sharoit yaratish uchun esa byudjetdan mablag‘ ajratilishini kutib o‘tirish vaqt talab etadi.
Bandixon tuman tibbiyot birlashmasi esa “Openbyudjet” loyihasida ishtirok etib, g‘olib bo‘ldi va umumiy qiymati 751 million so‘m bo‘lgan 85 dona zamonaviy komputer va 50 dona printer hamda 1 dona proyektr jihozlari bilan ta’minlandi.