Kambag‘allikni qisqartirishning eng maqbul yo‘li bu Prezidentimiz ta’kidlaganidek, “Sayxunobod tajribasi”ni amaliyotga tatbiq etish bo‘layotir. Viloyatimizda ham bu borada e’tiborga molik ishlar amalga oshirilmoqda. Aholini tomorqadan samarali foydalanishga o‘rgatish, bandligini ta’minlash, daromadlarini oshirish yo‘llari, choralari ko‘rilmoqda. Xususan, Uzun tumanida ham tizimli ishlar amalga oshirilmoqda.
Tumanning Yangi ro‘zg‘or mahallasida aholi xonadonlarida “Sayxunobod tajribasi” asosida issiqxona, chorvachilikni rivojlantirish, biogumus parvarishi va qo‘shimcha daromad topish bo‘yicha bir qator ishlar olib borilmoqda. Mahalladagi xonadonlarda bo‘lar ekanmiz, bahorning har bir kunini g‘animat bilib, oilaviy mehnat orqali ro‘zg‘origa baraka kiritayotgan yurtdoshlarimizning qizg‘in ish jarayonlariga guvoh bo‘ldik.
