Surxonning alp o‘g‘lonlari kurash tushdimi, albatta, raqinining kuragini yerga tekkizmasdan qo‘ymaydi, halol yengadi. Sababi, kurash alplarimizning qonida, yuragida jo‘sh uradi. Buni Toshkent shahrida milliy va xorijiy ta’lim muassasalari talabalari o‘rtasida o‘tkazilgan xalqaro kurash musobaqasi orqali ko‘rish, amin bo‘lish mumkin bo‘ldi. Musobaqada barcha hududlardan saralangan 98 nafar kurashchi talaba chempionlik uchun kurash olib bordi.
Bellashuv qizg‘in kechdi. Mardlarning maydonga tushgani, murasasiz kurashlar barchaning qiziqishini oshirib, zavqini toshirdi. Quvonarlisi, bellashuvlarda Termiz davlat universitetining 4 nafar sportchisi ham faol ishtirok etib, bitta oltin medalni qoʻlga kiritishga muvaffaq boʻldi. Ogʻir vazn toifasidagi Jahongir Mamatraximov raqiblarini yengib, faxrli 1-oʻrinni egalladi.
Shahin Lodonov
