“Yosh bilimdon”lar sinovdan o‘tdi

Xotira muqaddas, o‘tganlarni yod etib, turli tadbirlar, uchrashuvlar, kechalar uyushtirilayotganining sababi ham shundan. Jarqo‘rg‘on tumanidagi 11-umumta’lim maktabida viloyat Maktabgacha va maktab ta’limi boshqarmasi hamda tuman bo‘limi tashabbusi bilan ta’lim-tarbiya rivojiga munosib hissa qo‘shgan ustozlar — Abdulla Adinayev hamda Malla Matiyevlarning xotirasiga bag‘ishlangan “Yosh bilimdon” fan olimpiadasi tashkil etildi. Unda tumanda mavjud 68 ta maktabdan fizika va matematika fanlari bo‘yicha jami 136 nafar 9-10-sinf o‘quvchilari qatnashdi.
Olimpiadaning ochilish marosimida viloyat Maktabgacha va maktab ta’limi boshqarmasi vakillari, tuman hokimi, nuroniylar va boshqalar ishtirok etishdi. Olimpiada sinovlarida yoshlar faol ishitrok etishdi. Bir so‘z bilan aytganda bilimlar sinaldi. Aytish kerakki, g‘olib va sovrindorlar maxsus ko‘krak nishonlari, qimmatbaho esdalik sovg‘alari hamda pul mukofotlari bilan taqdirlandi.