1v1.lol slope unblocked io games

Sangardakda osma dor yo‘li barpo etiladi

Date:

Sangardak sharsharasi, u yerning o‘ziga xos tabiati, iqlimi, osmonlarga tutash tog‘larining bor go‘zalligini ko‘rish, bahra olish maqsadida nafaqat mahalliy aholi, balki dunyoning turli burchaklaridan mehmonlar tashrif buyurishadi. Kelib ketguvchillar uchun yanada qulaylik yaratish, hududning turizm salohiyatini yanada oshirish maqsadida yangidan-yangi loyihalar amalga oshirilishi rejalashtirilgan. Ayni loyihalar yurtimizning, vohamizning xalqaro hamkorlikdagi aloqalarida ham yangi bosqichga ko‘tarildi. Avval xabar berganimizdek, joriy yilning 7-9-aprel kunlari Surxondaryo viloyati hokimi Ulug‘bek Qosimov boshchiligidagi delegatsiya a’zolari Vengriya davlatida bo‘lib, yetakchi kompaniyalar bilan ikki tomonlama manfaatli muzokaralar o‘tkazganidan xabaringiz bor.
Oʻzbekistonning Vengriyadagi elchixonasi koʻmagida tashkil etilgan safar chogʻida Denov tumanidagi “Denov Oltin Don” masʼuliyati cheklangan jamiyati Avstriyaning “DOPPELMAYR” kompaniyasi bilan qiymati 20 million yevro boʻlgan osma dor yoʻli loyihasini amalga oshirish boʻyicha shartnoma imzoladi. Yangi loyiha Sariosiyo tumanidagi xushmanzara tog‘lar qo‘ynida joylashgan mashhur Sangardak qishlog‘ida bunyod etiladi.
So‘lim bu go‘shada osma dor yo‘lining barpo etilishi hududning betakror go‘zalligini, O‘zbekistonning “Niagrasi” sifatida ta’riflanadigan Sangardak sharsharasini baland tog‘ cho‘qqilaridan tomosha qilib, o‘zgacha zavq olish imkoniyatini yaratadi, sayyohlar oqimini yanada ko‘paytiradi.
Loyiha doirasida daraning tepasidan tog‘ va so‘lim qishloqni tomosha qilish uchun maxsus maydon, tomosha maydoniga chiqish uchun yo‘lak va zinalar, kirish qismiga stella va yengil konstruksiyali mehmon uylari quriladi. Restoran, ot va tuyada sayr qilish, mini sport maydonchalari, oilaviy piknik va maxsus selfi zonalari, o‘yin va raqs maydonchalari barpo etiladi.
Daradagi tog‘larni birlashtiruvchi osma dor yo‘lining uzunligi 1 ming 200 metrni tashkil etadi.

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

“Siz kelmang o‘zimiz boramiz”

Sho‘rchi tumanining “Olatemir” mahallasida “Siz kelmang o‘zimiz boramiz” tamoyili...

Bunyodkorlik ishlari davom etmoqda

Angor tumanida Sanitariya-epidemiologik osoyishtalik va jamoat salomatligi bo‘limining eski...

“Ma’naviyat sektori”ni namunali yo‘lga qo‘yish maqsadida

Ta’lim muassasalarida, tashkilot va idoralarda, mahallalarda “Manaviyat sektori”ning faoliyat...

Hamkorlik yangi bosqichda

Davlatimiz rahbari Shavkat Mirziyoyevning taklifiga binoan, Rossiya Federatsiyasi Prezidenti...
KunTun
KunTun