Milliy kontent yaratish

Bugungi shiddat bilan o‘zgarishlar ketayotgan olamda axborotning kuchi nihoyatda katta. Undan har kim o‘z ehtiyojicha foydalanadi. Aslida esa axborot maydonini bugungi davr talabi bilan aytganda, xalqimiz ehtiyojiga mos milliy kontent bilan boyitish lozim. Keng jamoatchilikni vatanparvarlik, milliy o‘zlikni anglash, buyuk ajdodlarning boy merosini tarannum etuvchi media mahsulotlari bilan to‘ldiraylik. Dunyo axborot makonida milliy manfaat va maqsadlarimizni o‘z g‘oyalarimiz, loyihalarimiz bilan o‘z o‘rnimizga ega bo‘laylik.
Surxondaryo viloyati hokimi Ulug‘bek Qosimovning topshirig‘iga muvofiq Termiz davlat universitetida mutasaddi tashkilotlar bilan hamkorlikda OAV vakillari, axborot xizmatlari rahbarlari, vohalik yosh vaynerlar hamda ijtimoiy tarmoq faollari uchun “Media makonda milliy kontent yaratish mas’uliyati” mavzusida o‘quv-seminar tashkil etildi. O‘quv seminar davomida mavzuga aloqador masalalarga alohida e’tibor qaratildi. Muhim jihatlar inobatga olinib, zaruriy chora-tadbirlar belgilab olindi.