Askarlarning saf tortib ketishlari, safda qo‘shiq kuylashlarini kuzatish har bir yosh uchun maroqli. Shu onning o‘zidayoq, shu askarlardan biri bo‘lib qolishni istashlari aniq. Xizmat itlarining-da, xizmatga kirishishi, buyruqlarni bajarishi zavqli mashg‘ulot. Bularning bari har bir bolani harbiylikka qiziqitiribgina qolmay, vatanparvarlikka, elu xalqning xizmatiga kamarbasta bo‘lishga chorlaydi. Yoshlarni ana shunday ruhda ulg‘aytirish maqsadida “Vatanga sodiq yoshlar” loyihasi amalga oshirilmoqda. Ushbu loyiha doirasida jam bo‘lishgan yoshlarimiz Termiz tumanida joylashgan harbiy qismda tantanali kutib olindi.
Davlat xavfsizlik xizmati hamda Surxondaryo viloyati yoshlar ishlari boshqarmasi hamkorlikda tashkil etilgan tadbirda uyushmagan yoshlar qamrab olindi. Tadbirlar davomida harbiylar hayoti bilan yaqindan tanishildi. Ayniqsa, harbiy chiqishlar, qurol-yarog‘lar namoyishlari, kinologlar va sport mashg‘ulotlari barchada katta taassurotlar qoldirdi.
Darhaqiqat, jasoratli va qatʼiyatli inson hamisha oʻz oldiga qoʻygan maqsadiga erishadi. Davlat xavfsizlik xizmati tomonidan tashkil etilgan “Vatanga sodiq yoshlar” harbiy vatanparvarlik kursi surxondaryolik mard va jasur yoshlarni bir maqsad yoʻlida birlashtira oldi.
