Murojaat eʼtiborsiz qolmaydi

Yurtimizdagi har bir yosh, u qayerda bo‘lmasin, e’tibor va g‘amxo‘rlik ostidadir. Ularning huquqlari doimo himoya qilinadi, kerakli yordam ko‘rsatiladi. Ayniqsa, xorijda ishlash uchun ketgan voha yoshlari qanday sharoitda ishlayapti? Huquqlari poymol bo‘lmayaptimi? Ayni jihatlarni hisobga olgan holda Termiz shahar hokimi O‘.To‘rayev boshchiligida hokim o‘rinbosarlari, Yoshlar ishlari agentligi Termiz shahar bo‘limi, mahalla yetakchilari, keng jamoatchilik faollari ishtirokida tashqi mehnat migratsiyasidagi yoshlar bilan masofaviy video muloqot bo‘lib o‘tdi.
130 dan ortiq mehnat migratsiyasidagi yosh ishtirok etgan uchrashuvda shahar hokimi yoshlar bilan suhbatlashib, ularning taklif va murojaatlarini tingladi. 20 ga yaqin chet eldagi vatandoshlarimiz murojaat qildi va ushbu murojaatlar yechimi bo‘yicha tegishli tashkilot rahbarlariga topshiriq va ko‘rsatmalar berildi.