11-sinf o‘quvchilari oliy ta’limga o‘qishga kirish uchun jiddiy tayyorgarlik ko‘rishayotir. Tanlagan yo‘nalishlari bo‘yicha fanlardan, qolaversa, biror xorijiy til o‘rganishga kirishgan. Bu bilan yoshlarning o‘z taqdiriga befarq emasliklarini ko‘rish mumkin. Albatta, bu hol kishini quvontirmay qolmaydi. Ayniqsa, til o‘rganayotgan yoshlar erishayotgan natijalar nafaqat oliy ta’limga, balki butun dunyoga imkoniyatlar eshigini ochib bermoqda. Termiz shahridagi 12-umumta’lim maktabining 11-sinf o‘quvchisi Abdushukur Xalimov ham o‘zi uchun ana shunday imkoniyatlar eshigini ochdi.
U 7 ballik IELTS sertifikatiga ega bo‘ldi. Abdushukur bu bilan kifoyalanmay, onlayn tarzda 19 ta xorijiy oliygohga hujjat topshirishni ham unutmadi. Natijalar esa Abdushukur kabi uning yaqinlari va ustozlarini ham quvontirdi. O‘quvchi 3 ta ta’lim muassasasida o‘qish imkoniyatiga ega bo‘ldi. Amerikaning Arizona, Iowa universiteti hamda Kolumbiya kollejiga Abdushukur grand asosida talabalikka qabul qilindi. Ko‘ramiz, Abdushukur qaysi imkoniyatdan foydalanib, o‘z yo‘lini tanlar ekan.
Termizlik o‘quvchi 3 ta xorijiy ta’lim muassasasi talabasi bo‘ldi
Date:
