O‘zbekiston–Afg‘oniston ishchi komissiyasining to‘rtinchi majlisida…

Surxondaryo viloyati hokimi Ulug‘bek Qosimov boshchiligidagi delegatsiya Afg’onistonga yo’l olgandi. Ularni Hayraton shahrida Balx viloyati gubernatorining o‘rinbosari Abu Idris hamda boshqa rasmiylar kutib oldi.
Shundan so’ng, Balx viloyati gubernatori qarorgohida ikki davlat o‘rtasida chegaraoldi savdo-iqtisodiy hamkorlik Qo‘shma komissiyasining to‘rtinchi yig‘ilishi doirasida viloyatimiz rahbari Ulug‘bek Qosimov va Balx viloyati gubernatori Muhammad Yusuf Vafo boshchiligidagi ikki tomon delegatsiyalarining kengaytirilgan tarkibdagi rasmiy muzokaralari boshlandi.
Muzokaralar davomida savdo, transport, temir yo‘l va ta’lim sohalaridagi hamkorlikni yangi bosqichga olib chiqish, geologiya yo‘nalishida kooperatsiya aloqalarini o‘rnatish, tabiiy pardozbop toshlar xomashyosini hamkorlikda qayta ishlash, qumli chang shamollarining salbiy ta’sirini kamaytirish maqsadida Amudaryo bo‘yiga tutash hududlarda “Yashil belbog‘” himoya o‘rmonzorlari barpo qilish masalalari muhokama qilindi.