MAKTABLAR ELEKTRON DOSKA BILAN TA’MINLANDI

Maktabgacha va maktab taʼlimi vazirligi tomonidan Surxondaryo viloyatidagi investitsiya dasturi boʼyicha mukammal va joriy taʼmirlangan maktablar uchun 100 dona elektron interaktiv doskalar ajratildi. Termiz shahridagi 16-umumta’lim maktabida o‘tkazilgan tadbirda viloyat hokimi U.Qosimov, Maktabgacha va maktab ta’limi boshqarmasi boshlig‘i X.Mamadiyev ishtirokida mazkur elektron doskalar maktab direktorlariga tantanali ravishda topshirildi.
Tadbir davomida sifatli ta’lim uchun zamonaviy jihozlar zarur ekanligi va yangi elektron doskalar darslarning yanada mazmunli bo‘lishida xizmat qilishi ta’kidlandi. Bugungi kunga qadar Surxondaryo viloyatida mavjud umumta’lim maktablarining 305 tasi elektron doskalar bilan ta’minlangan bo‘lib, bugunga kelib, ularning soni 405 taga yetdi. Qolgan maktablar ham bosqichma-bosqich elektron doskalar bilan ta’minlanadi.