Maktablarda bilimni baholashning yangi tartibini joriy etilishi haqida xabardor etgan edik. Ayni tartibni joriy etish maqsadida seminar o‘tkazildi. Unda Maktabgacha va maktab ta’lim vazirligi hamda Respublika ta’lim markazi bilan hamkorlikda Surxondaryo viloyatidagi umumiy o‘rta ta’lim maktablarining o‘quv ishlari bo‘yicha direktor o‘rinbosarlari va metod birlashma rahbarlari ishtirok etdi. Seminarda respublika ishchi guruhi tomonidan tajriba sinov maktablarida olib borilayotgan ishlar, mavjud muammo va kamchiliklar, ularni bartaraf etish yuzasidan fikrlar bildirildi va amaliy ishlar ko‘rsatib berildi.
Shuningdek, bilimni baholashning yangi tartibini yaxshi o‘zlashtirib, respublika bo‘yicha namuna bo‘lgan Denov tumanidagi 3-maktab o‘qituvchisi Z.Eshqobilova munosib rag‘batlantirildi.
