“Kamalak yulduzlari” respublika bolalar ijodiyoti festivali iqtidorli bolalarni aniqlash, ularning iste’dodlarini namoyon qilishlariga imkoniyat yaratish va qo‘llab-quvvatlash, yosh avlodning madaniy saviyasini yuksaltirish, ularning ma’naviy olamini boyitish, san’at va go‘zallikka intilishini kuchaytirish, milliy san’at an’analari va yo‘nalishlarini saqlab qolish, rivojlantirish va davom ettirish maqsadida har yili an’anaviy tarzda o‘tkazib kelinadi. Angor tumanida festivalning tuman bosqichi bo‘lib o‘tdi.
Unda 6 yoshdan 15 yoshgacha bo‘lgan 600 nafar ishtirokchi qatnashib, 6 ta yo‘nalishda bellashdilar. Festival davomida bolalar iqtidor va mahoratlarini namoyish etdilar. Tomoshaga kelganlar ham har bir chiqishni kuzatib borib, bir olam zavq tuydilar. Har bir chiqish munosib baholanib, gʻolib bo‘lgan ishtirokchilar festivalning viloyat bosqichiga yo‘llanmani qo‘lga kiritdilar.
